Новости проекта
Конкурс продлен! Принимайте участие!
Отвечаем на ваши вопросы!
Домашнее задание на контроле!
Важные моменты в Инструктивно-методическом письме
Голосование
Как Вам новый сайт?
Всего 10 человек
Официальное наименование:
Государственное учреждение образования "Зубковский детский сад Клецкого района"
Тип учреждения:
Учреждение дошкольного образования
Населенный пункт:
аг. Зубки
Адрес:
222658, Минская, Клецкий, а.г. Зубки, Школьная,9
Телефон:
80179331224 (рабочий)
E-mail:
ds-zubsh@kletsk.edu.by

           

Аналіз работы ДУА "Зубкаўскі  дзіцячы  сад Клецкага раена" за 2017/2018 навучальны год   

      

  Дзяржаўная ўстанова дашкольнай адукацыі “Зубкаўскі дзіцячы сад Клецкага раёна” разлічана на 90 месц, рэжым работы – 10,5 гадзін.  У 2017/2018 навучальным годзе ва ўстанове працавала адна рознаўзроставая  група. Агульная колькасць выхаванцаў склала 18 чалавек (2016/2017 навучальны год – 20).

    З мэтай узбагачэння спектру адукацыйных паслуг для дзяцей, якія не  наведваюць установу дашкольнай адукацыі на   пастаяннай аснове, з пачатку навучальнага года працавала адаптацыйная  група кароткачасовага знаходжання, якую наведвала 1 дзіця  да  трох гадоў (2017/2018– 2) і група  па  падрыхтоўцы да школы, якую наведвала 1 дзіця (2016/2017 год – 0). Наведванне адаптацыйнай групы садзейнічала набыццю сацыяльнага  вопыту, узаемаадносінам з іншымі  дзецьмі, выхавальнікамі ўстановы дашкольнай адукацыі ў сумеснай дзейнасці, што ў будучым  аблегчыць  адаптацыйны перыяд з прыходам  у дашкольную  ўстанову. Арганізацыя групы па  падрыхтоўцы  да школы садзейнічала забяспячэнню адзіных пачатковых ведаў для дзяцей, якія ідуць  у школу.

    Па запыту бацькоў былі  арганізаваны дадатковыя адукацыйныя паслугі, што дазволіла надаць педагагічнаму працэсу больш развіваючы характар. У 2017/2018 навучальным годзе  на платнай аснове працаваў гурток па падрыхтоўцы дзяцей да школы,  які наведвала 10 дзяцей (2016/2017 – 8 дзяцей), 100% - дзяцей старэйшай падгрупы. Кіраўніком гуртка быў назначаны настаўнік 4 класа ДУА “Зубкаўская сярэдняя школа Клецкага раена” Шыбут М.У.,  заняткі праводзіліся ва ўстанове сярэдняй адукацыі ў класах пачатковай адукацыі, і спрыялі развіццю пазнавальных працэсаў, фарміраванню вучэбных навыкаў ў дзяцей, што з’яўляецца асновай для псіхалагічнай гатоўнасці да школы.

    Для развіцця ў дзяцей тэатральна – мастацкіх  здольнасцей была арганізавана дзейнасць гуртка на бясплатнай аснове “У свеце казак” (кіраўнік гуртка - выхавальнік  Арлова А.П.).  Вынікі работы гуртка можна было ўбачыць у выступленнях выхаванцаў на ранішніках, у час правядзення зімовых і вясенніх канікул, Дзен здароўя (былі паказаны тэатралізаваныя казкі “Церамок ”, “Зайкава хатка”, “Тры маці”, “Мыйдадзір” і іншыя).

   Арганізацыя прадметна-развіваючага асяроддзя ў групе стварыла  станоўчыя ўмовы для развіцця асобы і дзейнасці выхаванцаў. Уся гульнявая прастора даступная выхаванцам, на  працягу навучальнага года яна папоўнілася новымі цацкамі і абсталяваннем для тэатральнай і  спартыўнай дзейнасці (рознымі  відамі  настольнага  тэатру, экранам  для паказу  ценявога тэатру,  гульнямі  і спартыўным інвентаром), гульнямі  для развіцця дробнай маторыкі  рук.   Працэнт  забяспечанасці  групы гульнявым  абсталяваннем  адпаведна Пераліку сродкаў выхавання і навучання складае  76% (2016 год – 72%).

   Планаванне адукацыйнага працэсу ў групе будавалася  на аснове вучэбнай праграмы дашкольнай адукацыі. Пры распрацоўцы  заняткаў-гульняў педагогамі  выкарыстоўваліся выданні (вучэбныя дапаможнікі, метадычная літаратура) афіцыйна  зацверджаныя  або дапушчаныя Міністэрствам  адукацыі Рэспублікі  Беларусь. Для павышэння навукова-тэарэтычнага ўзроўня педагогаў метадычны кабінет установы дашкольнай адукацыі на  працягу навучальнага года папаўняўся нагляднымі дапаможнікамі па адукацыйных  вобласцях “Мастацтва”, “Дзіця і прырода”, “Дзіця  і  грамадства”, навінкамі метадычнай літаратуры. Працэнт забяспечанасці кабінета праграмна-метадычнымі і вучэбнымі дапаможнікамі складае 81 % (2016 год  - 72,5%, 2015 год – 70%).

      У дапамогу выхавальнікам ў метадычным кабінеце распрацаваны кансультацыйны матэрыял па арганізацыі  тэатралізаванай дзейнасці, па  стварэнню  асяроддзя для тэатральна-мастацкай дзейнасці, развіцця мовы выхаванцаў, па  выкарыстанню дыдактычных гульняў па тэатральна-мастацкай дзейнасці, памяткі  па  выкарыстанню артыкуляцыйнай (моўнай) і  дыхальнай гімнастык з мэтай развіцця мовы выхаванцаў, што  садзейнічала павышэнню узровеню  ведаў педагогаў і  рэалізацыі пастаўленых перад дашкольнай установай задач на  пачатак навучальнага года.

      Для забеспячэння прафесійнага роста педагогаў ў аддзеле адукацыі створана сістэма метадычнага суправаджэння і падтрымкі спецыялістаў: метадычныя аб’яднанні па катэгорыям груп, дзе павышалі свой узровень выхавальнікі і загадчык установы дашкольнай адукацыі.

    На базе дашкольнай установы былі  праведзены раенныя метадычныя аб’яднані для загадчыкаў, намеснікаў загадчыкаў па  асноўнай дзейнасці ўстаноў дашкольнай адукацыі, намеснікаў дырэктароў ВПК на  тэму “Медыка-педагагічныя патрабаванні да  арганізацыі фізічнага выхавання навучэнцаў”, і  аб’яднанне  кіраўнікоў  фізічнага    выхавання на  тэму “Арганізацыя і  правядзення Дня здароўя”. Дадзеныя мерапрыемствы садзейнічалі  павышэнню узроўню ведаў спецыяльстаў у пытаннях правядзення якасных і  колькасных характарыстык заняткаў па  фізічнавму выхаванню, у арганізацыі  і  правядзенні  Дзен здароўя.

      Педагагічны калектыў складаецца з 3 педагогаў: загадчык і 2 выхавальнікі. 66,6% педагогаў маюць першую кваліфікацыйную катэгорыю, 33,4% - без катэгорыі (загадчык), 66,6 % - з вышэйшай адукацыяй, 33,4% - з сярэдняй спецыяльнай.

    На  працягу года калектыў працаваў над развіццем  звязнай мовы   выхаванцаў  у працэсе тэатральна-мастацкай  дзейнасці.

     Для рэалізацыі пастаўленай задачы на працягу навучальнага года было праведзена 2  тэматычных педагагічных савета: “Стварэнне  ўмоў у групе для самастойнай мастацка-тэатральнай  дзейнасці”, “Арганізацыя і правядзенне  моўных гімнастык на  занятках па  развіццю маўлення з  мэтай развіцця мовы выхаванцаў”, семінары-практыкумы “Роля дыхальных і  моўных гімнастыкі ў фарміраванні правільнага вымаўлення ”, “Роля тэатралізацыі ў раскрыцці асобы дзіцяці”, адкрытыя прагляды  заняткаў  па  адукацыйнай вобласці “Развіцце  маўлення і  культура маўленчых зносін” (педагог Скрунда С.П., Арлова  А.П.). Дадзеныя мерапрыемствы садзейнічалі павышэнню узроўню  ведаў педагогаў у пытаннях стварэння ўмоў для тэатральна-мастацкай дзейнасці  і  развіцця мовы  выхаванцаў, папаўненню групы рознымі відамі  тэатраў  адпаведна  тыпавога пераліку,  папаўненню картатэкі артыкуляцыйнай  і дыхальных гімнастык, якія садзейнічаюць развіццю мовы, маўлення выхаванцаў.

    Для павышэння педагагічнай культуры законных прадстаўнікоў у пытаннях развіцця мовы  дзіцяці былі  падрыхтаваны кансультацыі: “Навошта чытаць дзецям?”, “Хатні  тэатр”,  “Ці  патрэбны дзецям  казкі”, “Гімнастыка  для язычка”, “ Развіцце  мовы  дзіцяці” і  іншыя. Тэме  развіцця мовы дзіцяці  былі  пасвечаны групавыя бацькоўскія сходы: “Роля кнігі ў развіцці  мовы  дзіцяці” (кастрычнік), “Роля гульні ў развіцці  дзіцяці” (люты).

    На  працягу навучальнага года былі арганізаваны выставы “Зімовая паштоўка”, “Крыніцы  здароўя”.  Спецыялісты дашкольнай ўстановы садзейнічалі ўдзелу законных прадстаўнікоў у правядзенні Дзен здароўя, святочных мерапрыемстваў (свята з  удзелам  тат “Хучэй, вышэй, мацней!”,  свята прысвечанае  да дня 8 Сакавіка).

     Пытанне аховы і ўмацавання здароўя дзяцей, паўнавартаснага фізічнага і  псіхілагічнага развіцця застаецца кіруючым у дзейнасці ўстановы дашкольнай адукацыі  У сакавіку і красакавіку 2018 года было даследавана на медыка-педагагічнай камісіі 8 выхаванцаў, з іх  6   неабходна  карэкцыйная дапамога  ў пункце карэкцыйнай дапамогі, 3 з  іх працягваюць  навучанне ва ўстанове дашкольнай адукацыі, 3 – пераходзяць  у першы клас, 1 неабходна  наведванне  спецыяльнай групы на узроўні дашкольнай адукацыі.

     На  працягу навучальнага года сям’я Савіч, у якой знаходзяцца  2 выхаванца была пастаўлена на  кантроль, як  сям’я ў якой дзеці знаходзяцца   у сацыяльна  небяспечным  становішчы. Быў распрацаваны план работы з сям’ей. Педагогамі сістэматычна  праводзіліся гутаркі, кансультацыі  з  бацькамі  па  пытаннях  выхавання дзяцей, стварэння неабходных  умоў для паўнавартаснага іх развіцця. Адпаведна   плану работы з сям’ей  Савіч  Таццяны і  Ганны, дзяўчынкі  далучаліся да  ўдзелу ў правядзенні досугаў, святочных мерапрыемстваў, заняткаў гуртка па  тэатральна-мастацкай дзейнасці.

    Створаны спрыяльныя ўмовы для аховы жыцця і здароўя дзяцей, выконваецца рэжым дня, забяспечваецца клапатлівы догляд за кожным дзіцем. Наладжана сістэма загартоўвання і прафілактычных мерапрыемстваў па папярэджанні прастудных захворванняў і грыпу: паласканнее горла пасля кожнага прыему ежы, праветрыванне  памяшканняў у час прагулкі. Падчас заняткаў праводзяцца фізкультхвілінкі, паміж заняткамі - дынамічныя паўзы.  На працягу года выхавальнікі праводзілі фізкультурныя досугі, Дні здароўя, спартыўныя святы.

    У групе маецца  спартыўны інвентар, які выносіцца  на вуліцу  у час прагулак для правядзення гульняў, фізічных практыкаванняў, эстафет, выкарыстоўваецца  на  занятках, для правядзення фізкультхвілінак, гульняў.    

    Аднак, напаўненне спартыўнага кутка  ў групе патрабуе дапрацовак адпаведна  пераліку спартыўнага  абсталявання (працэнт забяспечанасці групы  інвентаром для фізічнага развіцця складае 63%), што недазваляе забяспечыць высокую варыятыўнасць  фізічных практыкаванняў у  час прагулкі.

     У 2017  годзе колькасць дзён прапушчаных адным дзіцем павялічылася  і склала  2.5 дня (2016 – 2.2), што на  17% вышэй паказчыкаў мінулага  года. За 2017 год усяго выпадкаў захворванняў – 6 (за  2016  год -10): ВРЗ -6 (2016 год -10), іншыя - 0 (2016 год -0). Як  відаць  з аналізу, у 2017  годзе назіраецца   зніжэнне  выпадкаў прастудных захворванняў, аднак  іх працягласць  большая, што і  прывяло да  павялічэння паказчыкаў пропускаў па  хваробе (у параўнанні  раенны – 2.6 дня). 

    Аналіз размеркавання выхаванцаў па групах здароўя паказаў, што пераважае ІІ група здароўя (з 1-й групай 5 выхаванцаў, 2-й  - 13) - пераважна з такой групай здароўя дзеці і прыходзяць ва ўстанову дашкольнай адукацыі.  На  працягу трох апошніх гадоў назіраецца стабільная адсутнасць выхаванцаў з ІІІ і ІV групай.

     Нягледзячы на ​​работу, накіраваную на зніжэнне захворванняў, есць недахопы: можна  было  адзначыць  недастатковую працягласць правядзення загартоўваючых працэдур  пасля сну, што  не дазваляе  забяспечыць неабходны загартоўваючы эфект. Медыка-педагагічны аналіз заняткаў фізічнага  выхавання паказаў, што  ў сваей большасці заняткі  маюць  сярэдні  узровень маторнай шчыльнасці, што  абумоўлена  вялікай колькасцю падрыхтоўчых мерапрыемстваў (раздача  інвентару, растлумачванне  задач  для кожнай узроставай падгрупы). У наступным навучальным годзе выхавальнікам неабходна працягваць работу па стварэнню неабходных ўмоў для павышэння рухальнай актыўнасці дзяцей, забяспячэнню эфектыўнасці правядзення ўсіх форм фізкультурна-аздараўленчай работы і загартоўваючых мерапрыемстваў.

    Важнай крыніцай  здаровага ладу жыцця з'яўляецца  рацыянальнае харчаванне, арганізацыя якога ва ўстанове дашкольнай адукацыі  адбываецца ў адпаведнасці з нарматыўнымі дакументамі, на падставе прыкладнага10-дзеннага меню, арганізаваны электронны варыянт напісання меню.

      Аналіз стану арганізацыі харчавання ва ўстанове дашкольнай адукацыі  паказвае, што сярэдні працэнт выканання норм харчавання за 2017  год склаў   88.8   % (2016 – 89.3%), раенны паказчык  90.5 %. Да красавіка месяца ў дастатковай колькасці дзеці атрымлівалі свежую садавіну, за кошт нарыхтавання са свайго сада, дапамогі спонсараў.

     Выкананню норм харчавання ў межах 100% перашкодзіў недахоп некаторых прадуктаў – бабовыя (53-73%),  лімонная кіслата ( 15-80%), сыр ( 48-85%), кандытарскія вырабы (50-86%). Неабходна  звярнуць  увагу на    унясення карэкціроўкі  пры складанні меню ў другой палове  месяца з мэтай павышэння дадзенага паказчыка.

    Асобасна арыентаванае  ўзаемадзеянне з сем’ямі выхаванцаў, накіраванае на стаўленне партнерскіх адносін з’яўляецца важнай задачай ў рабоце  ўстановы дашкольнай адукацыі.  Для  павышэння псіхолага-педагагічнай  культуры законных прадстаўнікоў арганізоўваліся бацькоўскія сходы,  на  якіх раскрываліся пытанні  падрыхтаванасці  дзяцей да навучання ў  школе, захавання мер  бяспекі  і  іншыя, выхавальнікамі сістэматычна  абнаўляўся тэматычны матэрыял на   інфармацыйных стэндах  групы, на  старонках сайту, у гульнявой форме   далучаліся  бацькі да  жыцця ва ўстанове дашкольнай адукацыі  пры правядзенні Дзен  здароўя.

    Адпаведна інфармацыі, атрыманай пры правядзенні  маніторынга  задаволенасці  законных прадстаўнікоў  работай установы дашкольнай адукацыі, можна зрабіць  выснову, што бацькі задаволены ўмовамі,  створанамі  для знаходжання і  навучання дзяцей у дашкольнай установе,  адзначаюць   добрую падрыхтоўку дзяцей да навучання ў школе.  Усе адзначылі задаволенасць  адносінамі выхавальнікаў да  дзяцей, жаданнем  дзяцей наведваць установу дашкольнай адукацыі. Рэжым  работы, дадатвыя паслугі, якія ажыццяўляе ўстанова дашкольнай адукацыі  задавальняюць  патрэбу законных прадстаўнікоў цалкам.

    У  рамках рэалізацыі пераемнасці паміж дашкольным навучаннем і пачатковай школай праводзіліся экскурсіі ў школу: спартыўную залу,  бібліятэку, спартыўную пляцоўку. Асаблівае эмацыянальнае задавальненне выклікала ў дзяцей   спартыўнае мерапрыемства з удзелам выхаванцаў старэйшай групы і вучняў  першага класа “Зімовая спартландыя”, паказ казкі вучнямі 2, 4 класаў “Лясная гісторыя” перад выхаванцамі.  У час  бацькоўскага схода для  бацькоў будучых школьнікаў настаўнікам пачатковых класаў Шыбут М.У. была дадзена кансультацыя  “Школа. Неабходныя умовы пры падрыхтоўцы да школы”,  засяроджана ўвага  на асноўныя аспекты па адаптацыі дзяцей да навучання ў школе.  Праведзеная работа садзейнічала выхаванню  ў дзяцей дашкольнага узросту цікавасці да школы, падтрыманню цікавасці да навучання ў ей.

     Неабходна   адзначыць  добры узровень  падрыхтаванасці  дзяцей да навучання у школе. Выхаванцы старэйшага ўзросту  паказалі  добрыя  уменні:  у  парадкавым  і  колькасным  лічэнні, адрозніванні   і  называнні  геаметрычных фігур (100%),  вызначэнні   і  называнні паслядоўнасці  дзен  тыдня, назваў месяцаў (33%),  уменні  заўважаць змяненні  надвор’я, адзначаць  іх  у  календары прыроды (100%),  суадносіць тыповых прадстаўнікоў з  групамі раслін, жывел  (83%), сфарміраваны ўяўленні аб правілах дарожнага  руху, бяспечных паводзінах у быце (100%), уменні вызначаць  колькасць складоў у слове (100%) , колькасць  гукаў (66,6%), вызначаць галосныя і  зычныя гукі (50%),  падбіраць словы па зададзенаму гуку (50%), ствараць новыя  словы (83%).

     Аднак, можна   адзначыць, што  на  нізкім  узроўні сфарміраваны веды аб сімволіцы Рэспублікі  Беларусь, краінах суседзях, вобраз малой радзімы сфарміраваны ў межах сваей сям’і.

    Неабходна накіраваць  работу на  фарміраванне вобраза  малой радзімы, вывучэнне сімволікі  роднага краю праз далучэнне  да  нацыянальных каштоўнасцей і культурных традыцый беларускага народа.

   Адным  з важных  паказчыкау падрыхтаванасці  дзяцей да  навучання ў  школе з’яўляецца іх фізічная падрыхтаванасць, якая характарызуецца ступенню сфарміраванасці навыкаў асноўных відаў рухаў (бег, скачкі, кіданне), развіцця якасцей (хуткасць, сіла, гнуткасць, цягавітасць).   У пачатку і ў канцы навучальнага года праводзілася дыягностыка ўзроўню фізічнай падрыхтаванасці дзяцей сярэдняга і старэйшага дашкольнага ўзросту (усяго было задзейнічана 11 выхаванцаў). На пачатак навучальнага года на высокім узроўні знаходзілася 1 дзіця (9%), на сярэднім узроўні - 9 дзяцей (82%), на нізкім - 1 дзіця (9%).  У  канцы навучальнага  года: на  высокім узроўні 2 (18%), на  сярэднім – 8 (73%), на  нізкім  -1 (9%).

    Праца з выхаванцамі на працягу года была накіравана на навучанне тэхніцы выканання скачкоў, развіццё гібкасці, хуткасці, сілы.

    Па ўсіх паказчыках фізічнай падрыхтаванасці сярод дзяцей старэйшага дашкольнага ўзросту палепшыла свае дадзеныя 1 выхаванка (17%) , у гнуткасці, скачках з месца, кіданні набіўнога мяча палепшылі 4 выхаванца (66%) (аднак  у іх ніжэй сталі паказчыкі ў бегу на 30м .), у гнуткасці, скачках і бегу на 30м. палепшыла паказчыкі 1 выхаванка (17%) (пагоршыла ў кіданні набіўнога мяча). 

   У летні перыяд у фізкультурна-аздараўленчай дзейнасці асаблівую ўвагу неабходна надаць індывідуальнай працы з выхаванцамі старэйшага і сярэдняга  ўзросту ў развіцці бегавых якасцяў.

   У  мэтах ацэнкі якасці  арганізацыі педагагічнага  працэсу,  харчавання, захавання бяспечных і  здароўезберагальных умоў ва ўстанове дашкольнай адукацыі, вызначэння ўзроўню  падрыхтаванасці выхаванцаў старэйшай падгрупы да навучання ў школе загадчыкам  на  працягу года праводзіўся аператыўны і  тэматычны кантроль, вынікі разглядаліся на  нарадах пры загадчыку, сходах працоўнага  калектыву,  педагагічных саветах.  Па  вынікам  кантролю  быў  вылучаны  рад пытанняў, якія вырашаліся ў вызначаны тэрмін (сістэматызацыя кансультацыйных матэрыялаў  у групе, афармленне  дакуметацыі  групы адпаведна метадычных рэкамендацый і  іншае).  Выкананне рашэнняў тэматычнага   кантролю  садзейнічала папаўненню у групе  кутка па тэатральна-мастацкай дзейнасці рознымі  відамі  настольных і  пальчыкавых тэатраў (Пшанічны каласок”, “Рэпка”, “Воўк і  сямера казлят”, “Курка раба”, “Калабок”, “Церамок”, “Трое парасят”, тэатрамі на  фланэлеграфе: “Рэпка”, “Церамок”, была  зроблена  шырма  для ценявога  тэатра), павышэнню узроўню ведаў педагогаў і  законных прадстаўнікоў у пытаннях развіцця мовы дзяцей, арганізацыі  прагулкі.

    Неабходна  адзначыць, што на  якасць  арганізацыі адукацыйнага  працэсу вялікую ролю адыгрывае  матэрыяльна-тэхнічнае   становішта дашкольнай установы, таму дзейнасць адміністрацыі ў навучальным годзе была накіравана на  стварэнне неабходных умоў: матэрыяльна-тэхнічнае, метадычнае і фінансавае забеспячэнне. Матэрыяльная база ўстановы дашкольнай адукацыі  папаўнялася з наступных крыніц фінансавання: дзейнасці папячыцельскага савета, спонсарскай дапамогі, выканання платных паслуг,  збору і здачы макулатуры, яблык.

За сродкі папячыцельскага савета ў групы былі набыты цацкі, навагоднія падарункі, вучэбныя дапаможнікі,  арганізавана  аплата за тэхнічнае  абслугоўванне сістэмы ачысткі  вады (на агульную суму 900 руб. 50 кап.). З дапамогай работнікаў ва ўстанову дашкольнай адукацыі  быў набыты наглядна-дэманстрацыйны матэрыял ў метадычны кабінет, арганізавана   замена свяцільнікаў на  калідоры, набыты  псіхометры, стэнд “Каляндар  прыроды”, таблічкі  на  кабінеты, баскетбольныя кольца, будаўнічы матэрыял  для афармлення тэрыторыі, на агульную суму 1109 руб. 83 кап. Сродкі, атрыманыя ад аказання  платных паслуг, складаюць 202 руб. 4 кап., ад здачы макулатуры – 110 руб. 68 кап., яблык - 62 руб. Усяго  за 2017/2018 навучальны год матэрыяльная база ўстановы дашкольнай адукацыі  папоўнілася на  суму 3102 руб. 70 кап. (2016/2017  навучальны год 3107 руб. 74 кап.).

     У рамках раённага агляду-спаборніцтва спальных памяшканняў ў   спальным пакоі былі праведзена работа па  замене карнізаў, шторы для забяспячэння сонечнай засцярогі, пакрасцы ложкаў і стульчыкаў. З дапамогай папячыцельскага савета быў набыты дыван.

    У наступным навучальным годзе неабходна аптымізаваць работу  па стварэнню ўмоў для арганізацыі прадметна-развіваючага асяроддзя гульнявога  пакоя, этнапакоя.

    Зыходзячы з аналіза работы і існуючых праблем, калектыў ўстановы дашкольнай адукацыі  вызначыў задачу на наступны навучальны год: педагагічнаму калектыву  садзейнічаць у фарміраванні нацыянальнага самапазнання дзяцей дашкольнага узросту праз далучэнне  да  нацыянальных каштоўнасцей і культурных традыцый беларускага народа.

                

з 1 па 15 ліставпада ў дашкольнай установе дзейнічае выстава беларускіх народных цацак. Дзякуючы сумесным намаганням педагагічнага калектыва дзіцячага сада і законных прадстаўнікоў з'явіўся цудоўны куточак культурнай гісторыі нашага народа.

Уважаемые родители! Обращаем Ваше внимание на то, что 7 ноября детский сад работать не будет. 5,6 (сокращенный), 8,9 - рабочие дни.

26 октября в 13:11 | Дорина Я. И. | нет комментариев

Паважаныя бацькі! Запрашаем Вас прыняць удзел у афармленні выставы "Свята беларускай народнай цацкі", якая пройдзе з 1 па 9 лістапада. Чакаем Вашых ідэй.

24 октября в 12:51 | Дорина Я. И. | нет комментариев
Стена
Оставлять комментарии могут только авторизованные посетители.